谐趣一：

知唔知男人有几多种叫法？其实我自己都唔知，因为多到数唔清，下面就列举几个：

最正路就係叫男人

社交称呼都叫先生

死咗老婆嘅叫寡佬

中意呃女仔嘅叫金鱼佬

下流猥琐嘅叫咸湿佬、麻甩佬

乡下嚟嘅叫乡下佬

国际友人叫鬼佬

有啲女仔气嘅叫乸型

唔中意女人而中意男人嘅叫基佬

条件好嘅叫钻石王老五

冇女朋友嘅光棍（喺BBS叫光光)



谐趣二（IIA级）：

其实粤语用嚟闹人嘅非粗口都有几多词咖，下面摘录咗一少部分，不过你哋千其唔好乱咁用哩啲词闹人啊。

“茂里”——指傻傻地嘅人。

“木嘴”——同“茂里”其实差唔多意思，都係指一个人傻傻呆呆，不过木嘴侧重于形容一个人嘅外表，而茂里侧重于形容一个人的内在。

“粉肠”——“粉肠”係当你睇唔顺一个人时用嚟形容佢嘅，意思都係话佢唔叻得去边。

“顶你个肺”——处于粗口嘅边界，意思同某一个粗口词差唔多，不过语气较轻。

“废柴”——形容一个人係废物。

“碌葛”——形容人好似粉葛一样呆笨。

“水鱼”——俾人揾笨嘅人。

“懵盛盛”、“昂居”——蒙查查

“卖剩蔗”、“萝底橙”——大姑娘30几岁都仲未有如意郎君，咁就叫卖剩蔗、萝底橙喇。

“收皮”、“收爹”——都有叫人走开，滚开嘅意思。

“孤寒”——吝啬,缩骨。

“拾下拾下”——“傻下傻下”，傻傻地。

“洗衫板”——唔使问都知道係形容身材差嘅女士啦。

“死蠢”——相信係人都知道係好唔耐烦咁闹人地蠢啦。

“瘦骨仙”——形容人瘦骨嶙峋。

“骑咧”——形容古灵精怪嘅人。

“Call Lao Ye”——我都唔知哩几个字点打，不过哩个词大家都应该听得唔少，係“岂有此理”嘅意思。

教住咁多先算嘞，费事你哋学坏。



谐趣三：

歇后语欣赏

鸡食放光草——心知肚明

山草药——噏得就噏

绣花袋仔——人人啱

屎坑关刀——文（闻）唔得，武唔得

天堂尿壶——全神贯注

神台猫屎——神憎鬼厌



谐趣四：

表示“行、走”有几种讲法？

松：“松人”，走得开心，走得愿意

撇：单用，一个“撇”字就可以表示“我走了”嘅意思，《大话西游》里面就係用哩个“撇”字表现唐僧讲嘢嘅简短。

勐：我唔知哩个字嘅标准写法係唔係咁样，不过哩个字其实同个“撇”字完全一样意思。

闪：如果自己话“闪开”，就有“逃走”嘅意思，如果人地叫你“闪开”，就有赶你走嘅意思。

糴：跑，见《半斤八两》歌词赏析